Илирите имале развиена култура. Најголемо влијание на нивната култура имале римската и хеленската култура. Трговските и културните врски со хеленските колонии довеле до ширење на хеленското културно влијание врз илирските племиња. Подоцна кога Илирите паднале под римска власт, тие ја попримиле нивната култура.

Култови и религија

Илирите негувале повеќе култови, коишто биле поврзани со почитување на природните сили. Кај северните илирски премиња се почитувал култот на Сонцето, а кај јужните змијата. Таа се прикажувала на накит и други предмети. Илирите ги почитувале шумите, реките и водата.

Илирите биле многубошци. Главно божество бил богот Силван кој бил заштитник на шумите и пасиштата. Кај некои племиња особено раширен бил култот на богот Бинд, заштитник на изворите и водите. Го почитувале и богот на војната Медаур.

Начин на живеење

Илирите зборувале на посебен јазик. Тој бил стоден со јазиците на соседните народи, но се разликувал од нив. Тие немале свое писмо, па затоа јазикот не е зачуван. Не се зачувани натписи или други документи на нивниот јазик. Зачувани се само неколку одделни зборови и повеќе лични имиња и имиња на места.

Најголем дел од Илирите живееле во селата, а помал дел од населението живеел во утврдени градови. Во градовите живееле владетели, аристократи, трговци и занаетчии. Постоеле голем број илирски утврдени градови . Познати биле: Пелион, Димале, Скадар и други.

Еден од најголемите градови во Илирија бил градот Билис. Тој имал дебели ѕидишта долги преку 2 километри, имал голем плоштад, театар за околку 7000 гледачи, цистерна за вода и стадион.

Многу владетели ковале свои пари. Пари ковале и многу градови, како: Дирахеон, Билис и други.

Остатоци од материјална култура

Илирите оставиле значајни археолошки сведоштва за својата материјална и духовна култура. За животот и културата на Илирите најдобро зборуваат материјалните остатоци. Тоа се претежно предмети од глина, камен и метал најдени на териториите што ги населувале илирските племиња. Со археолошки истражувања се откриени многу накит, садови, скулптури и други предмети. Откриени се исто така и остатоци од градби.

Зачувани се исто така и остатоци од утврдени населби на Илирите, заштитени со монументални одбранбени ѕидишта, изградени од големи камени блокови.

Изработил: Илија Ристовски VI 4